Thị xã Buôn Hồ, càr Dăk Lăk: Sơn đờm lơh ală broă lơh kuơmàng, pơn đơl pràn lơh gơtùi ală tơl khà tiah drà khà 3
Thứ năm, 08:32, 02/02/2023
Cau mblàng K'Duẩn/ VOV Tây Nguyên
Cau mblàng K'Duẩn/ VOV Tây Nguyên
VOV4.K'Ho - Drim ngai 01/02, Ủy ƀan Ñân zân thị xã Buôn Hồ, càr Dăk Lăk sơn đờm lơh ală broă lơh kuơmàng bơh thị xã dê, lơh ngan lơh gơtùi ală tơl khà tiah drà khà 3.
Ủy ƀan Ñân zân thị xã Buôn Hồ, càr Dăk Lăk sơn đờm lơh 4 broă lơh kuơmàng, tơrgùm tàm gah gùng lòt mờ kờp jơh priă tă lơh mờr 37 tơmàn đông, kờp dŭ lơh gơs tàm quý 2 mờ quý 3 nam do. Ală broă lơh do nàng kờñ pơgồp bơnah lơh niam phan bơna gùng lòt, drơng jơnau kờñ lòt rê bơh làng bol dê.
Ồng Đặng Gia Duẩn, Củ tịc Ủy ƀan Ñân zân thị xã Buôn Hồ pà git, mờ broă sơn đờm lam lơh bơh bồ nam, thị xã lơh ngan ngui geh cồng nha ală bơnah priă bơcri bơh dà lơgar dê. Mờ kung geh sơlơ chồl pràn broă gơ hòi gơ jà ală bơnah priă bơcri, lơh ngan bơt bơtàu thị xã Buôn Hồ gơ gơs tiah tờm lơh sa, niam chài mpồl bơtiàn bơh tiah dềt đah tô càr Dăk Lăk, geh kuơ dờng màng ngan tàm gơguh lơh sa bơh tiah dềt dê.
Viết bình luận