Thị xã Buôn Hồ tơngkah kir sơnrai 15 nam ngai tơlik mat
Thứ bảy, 09:53, 23/12/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Thị xã Buôn Hồ, càr Dăk Lăk, dùl tiah drà pa geh uă bơta kơ̆p kờñ neh geh ală broă lơh bơtàu tơnguh pràn kơl dang. Jơnau kờñ mờ broă lơh gơ gơs tiah drà khà III neh geh kwang đơng lam bồ thị xã dê yal tàm dơ̆ tìp mat di dơ̆ tơngkah kir sơnrai 15 nam tơlik mat bơh Đảng ƀộ, gơnoar atbồ mờ làng bol ală jơi bơtiàn thị xã dê bơyai lơh drim ngai 22/12.
Tòm 15 nam tơlik mat, thị xã Buôn Hồ ai jơnau kờñ gơ gơs tiah drà khà III tàm nam 2025 mờ là anih tờm bơh kơnhoàl ù tiah dềt đah tô càr Dăk Lăk dê.
Nàng lơh geh ngan ngồn jơnau kờñ do, thị xã tơrgùm đơng lam, sồr bơyai lơh wơl lơh sa; lơh bal lơh geh ală anih gah phan bơna tờm bơh thị xã dê; bơyai lơh wơl lơh sa suơn sre jat jơnau kờñ geh dờp, lơh sa tơlir, lơh sa tàm pơdar, sền gàr tiah ơm kis brê bơnơm mờ bơt bơtàu, bơtàu tơnguh lơh sa suơn sre jat gùng dà kơ̆ kơl jăp. Bal mờ lơh jat niam ală bơta ƀuơn, bơta pràn, thị xã kung jơh nùs lơh ngan bơsong ală bơta gơ kòl nàng lơh geh broă lơh bơtàu tơnguh mhar.
Viết bình luận