Jat jơnau yal, nam 2023, Tập đoàn Ồs đèng Việt Nam neh pơn đơl pràn lơh ngan lơh sir ală broă jàu kơnòl broă geh ai tàm hơ̆ broă lơh gơlik mờ ai tơl ồs đèng sền bal neh ai tơl làm ồs đèng ai rài lơh sa in, tàm hơ̆ neh gơlik geh bơta ờ tơl ồs đèng tàm lồi nhai 5, bồ nhai 06 mờ pal lơh jat tơrmù ƀà broă ngui ồs đèng tàm tiah đah Tô Dà lơgar dê. Ồs đèng lơh gơlik geh rlau 280 tơmàn kWh, gơguh rlau 4,5% pơndrờm mờ nam 2022.

Ala mat Cíñ phủ, Thủ tướng Phạm Minh Chính ưn ngài, dờp, jờng rơ bơta pơnđơl pràn lơh ngan, cồng nha mờ Tập đoàn Ồs đèng Việt Nam dê neh lơh geh pơgồp bơnah kwơ màng tàm cồng bal tơl làm bơh gùt lơgar dê tàm nam 2023. Thủ tướng sồr EVN pơnđơl pràn lơh ngan lơh sir ală broă jàu kơnòl broă geh jàu nam 2024, gàr tơl broă pờ ồs đèng ai bơtàu tơnguh lơh sa- mpồl bơtiàn bơh Dà lơgar dê. Jơnau kờñ dờng ngan rlau jơh là lơh ngan tơn jơh broă ờ tơl ồs đèng ai broă lơh sa kă bro mờ broă ngui tàm khat dùl bơta gơlik geh lơi; jơnau kờñ dờng dơ̆ 2 là pal lơh jat niam giă jat kơrnoat boh lam drà kă bro dê, mơya geh broă lơh dong kờl gơwèt mờ cau geh gàr niam rài kis mpồl bơtiàn in.