Nàng sơlơ tơnguh tai bơta gĭt gơ̆p đah 2 lơgar tàm tơngai tus, Thủ tướng sồr pơn jăt tai lơh ală dơ̆ tìp măt, tàm pơgơl mpồl kwang bàng lòt còp bal mờ gơ̆p. Di tàm dơ̆ do, bơh ồng Đại sứ, Thủ tướng pơyua jơnau còp să tus mờ ồng Emmanuel Macron, Kwang ătbồ lơgar Tây mờ mò Elisabeth Borne, Thủ tướng lơgar Tây mờ kơ̆p kờñ geh wă rò mò Elisabeth Borne, Thủ tướng lơgar Tây lòt còp lơgar Việt Nam.

Thủ tướng sồr 2 gah pơn jăt tai lam lơh jăt wil tơl mờ geh cồng nha nàng ngui niam ală tŭ niam uă ngan bơh Hiệp địñ Kă bro Khăt gơboh đah lơgar Việt Nam mờ Mpồl Tam klăc câu Âu (EU) hòi lơyah là EVFTA; sồr lơgar Tây gờñ sền swì ring bal Hiệp địñ Sền gàr dong kờl bơcri priă đah lơgar Việt Nam mờ Mpồl Tam klăc câu Âu (EU) hòi lơyah là EVIPA nàng kờñ lơh niam ngan rlau jơh bơta pràn lơh broă bal đah 2 lơgar tàm gah broă bơcri priă.