Tàm pơrjum, ală kwang đơng lam bồ đơs nền sền dờng màng bơta gĭt gơ̆p đah 2 mpồl tàm tiah do dê kờp bơh tŭ geh lơh bơta gĭt gơ̆p nam 1990. Asean jờng rơ uă ngan jơh ală lơgar tàm mpồl GCC dê ndrờm mut bal tàm Hiệp ướk rềp mềr mờ Lơh broă bal tiah đah Jum mat tơngai lik câu Á, mơkung jờng rơ ală Kák tiểu Vương quốk Ả- Rập Thổng Nhất (UAE) gơ gơs lơgar lơh broă bal cribơyai jat gah broă bơh Asean dê kờp bơh nam 2022.

 Wèt tus rài tơnơ̆ do, Kwang đơng lam bồ ală lơgar Asean mờ GCC ring bal pal gàr niam dơ̆ cribơyai sùm, bơt bơtàu mờ lơh sir ală gùng dà broă lơh lơh broă bal, mơkung lơh pràn lơh broă bal ring bal, geh kwơ bal, sền gròi lơh broă bal tàm ală gah lơh sa, kă bro, bơcri priă, gàr niam ală anih lơh gơlik phan kơ̆ kơl jăp, lơh broă bal dà lềng, lơngăp lơngai năng lượng, kòi phe, rcang sơndră tam gơl trồ tiah... Pơrjum bơh Jơnau yal bơr bal, đơs ală cồng nha cribơyai bơh kwang đơng lam bồ kấp dờng mờ ai tơlik ală gùng dà pơlam bơtàu tơnguh rlau tai bơta gĭt gơ̆p đah Asean mờ GCC tàm tơngai tus.