Chờ gờm tờm Ngai deh Yàng Phờk 2567 – Nam tây 2023 geh Gah jăt yàng Phờk Việt Nam bơyai lơh tàm Hìu yàng Phờk Quán Sứ - do là hìu yàng neh geh uă broă lơh kwơ màng bơh gah jăt Yàng Phờk Việt Nam dê. Do là broă lơh gah jăt yàng geh kwơ màng ngan tàm rài kis nùs nhơm bal mờ pin dờn jăt yàng bơh làng bol jăt yàng Phờk dê, là lơh chờ niam chài, jăt yàng dunia geh Pơrjum dờng Liên hợp quốk dờp.

Ala măt Kwang đơng lam Đảng, Dà lơgar, Mặt trận Dà lơgar Việt Nam mờ nùs nhơm să tờm niam bơnĕ ngan, Thủ tướng pơyoa tus Cau kơ đơng gah jăt yàng Phờk Việt Nam, cau jăt yàng, làng bol jăt yàng tàm lơgar mờ lơgar bơdìh jơnau chờ gờm Nam tờm Ngai deh Yàng Phờk 2567 bơh gah jăt yàng Phờk Việt Nam dê geh cồng nha niam. Thủ tướng đơs tờm, mờ mờr 2 rơbô nam geh đềt mềr bal mờ jơi bơtiàn, gah jăt yàng Phờk Việt Nam neh gơmŭt uă, jrô tàm nùs nhơm mờ pơgồp bal tàm mpồl bơtiàn lơgar Việt Nam dê, là bơnah kwơ màng tàm rài kis niam chài, nùs nhơm bơh jơi bơtiàn lơgar Việt Nam dê; kơ̆p kờñ mờ pin dờn gah jăt yàng Phờk Việt Nam pơn jăt tai tơnguh nùs nhơm tơrgùm bal, ai broă drơng cau jăt yàng, gah jăt yàng, bơta kwơ rài kis, tơnguh bơta pràn tam klăc bal gùt jơi bơtiàn, tài dùl lơgar Việt Nam pràn kơl dang, pas gơs, gơboh gơbài.