Pơn jăt tai ală broă lơh tàm tơngume dơ̆ lòt lơh broă tus bal Pơrjum Kwang bàng Kâp dờng Asean mờ Mpồl duh broă Lơh broă bal vùng Vịñ (GCC) mờ còp lơgar Bơtau Saudi Arabia, Thủ tướng Cíñ phủ ồng Phạm Minh Chính neh lòt còp Hìu duh broă Mpồl duh broă Lơh broă bal vùng Vịñ (GCC), tìp mờ Kwang gơnoar cih dờng GCC mờ sền gŏ bal dơ̆ bơyai lơh kĭ hơ Sră nggal cih kah bè lơh broă bal đah Ƀộ Ngoại giao lơgar Việt Nam mờ Mpồl Cau gơnoar cih GCC.

Thủ tướng Cíñ phủ ồng Phạm Minh Chính jờng rơ ngan gơnoar broă GCC dê mờ đơs nền lơgar Việt Nam sền gròi ngan broă chồl tơnguh rlau tai lơh broă bal geh kwơ bal mờ GCC mờ ală lơgar tàm mpồl. Thủ tướng đơs sùm, lơgar Việt Nam tŭ lơi kung kờñ lơh kòn gùng, tơnguh lơh broă bal đah Asean mờ GCC, sồr Ƀộ Ngoại giao lơgar Việt Nam mờ Mpồl Cau gơnoar cih GCC gờñ ring bal broă lơh broă bal loh làng nàng lam lơh jăt geh cồng nha Sră cih kah pa geh kĭ hơ. Bè đah he, jờng rơ ngan gơnoar broă mờ bơngă pin dờn bơh lơgar Việt Nam dê kung bè ală cồng nha mờ lơgar Việt Nam lơh geh. Kwang gơnoar cih dờng, đơs nền: Mpồl Cau gơnoar cih GCC rơ̆p jơh nùs dong kờl lơgar Việt Nam sơlơ tơnguh lơh broă bal mờ ală lơgar tàm mpồl tàm ală gah broă lơh mờ 2 gah geh bơta pràn.