Thủ tướng lơgar Singapore ồng Lý Hiển Long neh chờ gờm Thủ tướng Cíñ phủ ồng Phạm Minh Chính tus còp mùl màl lơgar Singapore; đơs tờm dơ̆ tus còp pơgồp bal tàm broă lơh geh bơta pràn kơl dang ai bơta git gơ̆p, lơh broă bal jŏ jòng niam bơnĕ đah bàr lơgar dê.

Bàr Thủ tướng đơs niam ală broă tơnguh bơtàu niam tàm bơta git gơ̆p đah lơgar Việt Nam mờ lơgar Singapore tàm jơh ală gah broă đah bàr lơgar mờ uă lơgar. Bè bơta tờm lơh broă bal tàm tơngai tus, bàr Thủ tướng ring bal geh lơh pràn sùm broă lơh sa bal; lơh geh cồng nha ală jơnau ring bal lơh broă bal, ai tơl bơta ƀuơn ai broă lơh bal tàm ală gah broă pa mờ bơta geh bè lơh sa sồ, lơh sa tơlir mờ gơlòt bal, tam gơl bơceh pa, năng lượng kloh, tam dră mờ tam gơl trồ tiah... Bàr gah kung ring bal geh lơh pràn broă lơh bal tàm ală gah broă sền gàr dà lơgar-bơta lơngăp lơngai, nhơl chờ, tìp bal làng bol, tàm hơ̆ uă ngan là đah ơruh pơnu bàr lơgar.