VOV4.K’ho- Ngai 05/7, tàm hìu lơh broă Cíñ phủ, Thủ tướng Cíñ phủ ồng Phạm Minh Chính neh cribơyai tàm điện thoại mờ Thủ tướng Hàn Quôk ồng Han Duck Soo.

Tàm dơ̆ cribơyai tàm điện thoại, 2 Thủ tướng neh ring bal 2, 3 broă lơh ngan ngồn sơlơ tơnguh git gơp đah 2 lơgar tàm tơngai tus, pơn jat tai lơh broă bal jơh nùs lam lơh geh cồng nha ală broă lơh tơngkah kir sơnrai 30 nam ngai lơh git gơp lơh broă bal tàm nam 2022; lam lơh geh cồng nha ală mpồl lơh broă bal 2 lơgar mờ uă lơgar, sồr ală mpồl lơh sa kă bro Hàn Quôk rề ơnàng bơcri priă tàm Việt Nam. Cribơyai bè broă tàm dà lềng đah mat tơngai lik, 2 gah tam pà broă sền sơ wì bal bè gàr sùm ring lơngai kơ̆ kơljap, gàr niam lơngăp lơngai, ờdo ờdă, khat gơboh gùng dà lềng tàm dà lềng đah mat tơngai lik, bơsong ală tam pìt tam phà tàm dà lềng mờ broă lơh ring lơngai, gàr niam ală gơnoar, bơta kuơ dipal bơh ală lơgar dê dipal mờ adat boh lam dunia, tàm hơ̆ geh Kông ươk Liên hợp quôk bè Adat dà lềng (UNCLOS) nam 1982.

Cau mblàng K’Duẩn