Tàm dơ̆ pơrjum, Cíñ phủ sền sơwì sồr lơh Adat tam gơl, bơtơl bàr pe bơta bơh Adat rcang gàr; sồr lơh Adat broă lơh (tam gơl); rơndap broă lơh Adat phan kwơ dà ia (tam gơl). Bal mờ hơ̆, sền sơwì jơnau sồr bơh Cíñ phủ dê bè Broă lơh lơh adat, Kơrnoăt boh lam nam 2024; tam gơl wơl Broă lơh lơh Adat, Kơrnoăt boh lam nam 2023; sồr lơh Rơndap broă lơh Anih tờm Ală jơnau Dà lơgar; bè sền sơwì pà “Khà jờng Hồ Chí Minh”, “Khà jờng Dà lơgar”, bè cih jơnau, đơs crih tam ya nam 2021.

Jat Thủ tướng, broă lơh lơh Adat boh lam, lơh sir Adat boh lam nam 2023 bơh Cíñ phủ dê là dờng ngan. Den tàng, ală Ƀộ, ngàñ gàr niam cồng nha nam 2022 dê, ală Ƀộ, ngàñ pơn jat tai đơng lam, lơh jat kơnòl broă bơh cau lam bồ dê; bơtơl mpồl cau, bơcri tai priă jền nàng tơrgùm lơh mờ lơh sir adat boh lam.