Drim ngai 12/02, tàm ƀòn dờng Hạ Long càr Quảng Ninh, Thủ tướng Cíñ phủ ồng Phạm Minh Chính đơng lam pơrjum lam lơh jat broă lơh lơh broă lơh jat Nghị quyết sồ 30 bơh Ƀộ Cíñ trị dê bè bơtàu tơnguh lơh sa kă bro mờ gàr niam broă sền gàr lơngap lơngai dà lơgar, sền gàr lơngap lơngai tiah ring dà dờng Hồng mờ gơ hòi gơ jà bơcri priă kơnhoàl ù tiah mờ tơngume “Tàm tơrbŏ bal bơtàu tơnguh- Tam gơl pa bơceh pa- Tơlir mờ Kơ̆ kơljap”.

Đơs tàm pơrjum, Thủ tướng Cíñ phủ ồng Phạm Minh Chính đơs sùm, broă ngui uă ngan rlau jơh bơta ƀuơn, bơta pràn pơn rơ ngan nàng bơtàu tơnguh mhar, kơ̆ kơljap tiah ring dà dờng Hồng ngan ngồn là tiah gơn kơnờm bơtàu tơnguh lam  lài, geh gơnoar broă pơlam gùng dà, đơng lam broă rơndap tap sèng wơl rài lơh sa mờ tam gơl broă gơguh lơh sa bơh dà lơgar dê. Thủ tướng sồr ală Ƀộ, ngàñ, ngan là ală tiah tàm tiah do lơh jat niam jơnau sồr neh cih tàm Nghị quyết, tàm hơ̆ đơs nền bơsram lơh jat, lơh jat kràñ cê jơh nùs, geh cồng nha ală kơnòl broă, gùng dà broă lơh bơtàu tơnguh kơnhoàl ù tiah jat jơnau cih tàm ală Nghị quyết bơh Đảng, Quôk hội, Cíñ phủ dê; ală broă lơh kwơ màng, rơndap ù tiah, broă rơndap lơh, jơnau sồr bơh Cíñ phủ, Thủ tướng Cíñ phủ dê.