Đơs tàm dơ̆ lơh broă Thủ tướng Cíñ phủ ồng Phạm Minh Chính đơs nền, Sră ƀăo là phan ngui mblàng yal tàm ală gah broă bồ tơngoh, niam chài bơh Đảng dê, tàm hơ̆, Mpồl cau lơh ƀăo Việt Nam geh gơnoar broă kwơ màng tàm broă tam klăc bal, tơrgùm bal, tơnguh uă nùs nhơm kơ̆ dơn cíñ trị, bơto bơtê broă lơh, bơsram tàp nùs nhơm lơh broă bơh cau lơh ƀăo dê.

Thủ tướng ồng Phạm Minh Chính pơyoa jơnau đơs niam bơnĕ ngan rlau jơh mờ jờng rơ uă ngan, jơh nùs jờng rơ ală cồng nha, bơta tă pơgồp kwơ màng bơh Mpồl cau lơh ƀăo Việt Nam mờ ală cau lơh ƀăo tàm jơh gùt lơgar dê. Thủ tướng sồr  Mpồl cau lơh ƀăo Việt Nam rcang lài uă rlau tai tàm gùng dà pơlam ai mpồl cau lơh ƀăo in sơlơ kơlôi sơnơng gùng dà broă lơh mờ lơh ngan tus bal broă lơh mblàng yal gùng dà broă lơh; sơlơ tam gơl pa bè tơngume, pơgồp bơnah tơnguh uă cồng nha gùng dà pơlam jơnau yal, mpồl bơtiàn; lơh ngan jơh nùs bơt bơtàu mpồl cau lơh ƀăo mờng chài tàm broă lơh; lơh niam wơl ală bơta ờ niam bè nùs nhơm lơh broă, sơlơ tơnguh bơta kwơ niam kòn bơnus dê tàm broă lơh ƀăo. Sră ƀăo pal lòt lài tàm broă sền gŏ, jờng rơ ală bơta pa, cau niam, broă niam, ai bơta niam bơsong bơta ờ  niam, ai bơta niam ngan kơryan bơta ờ niam, lơh geh bơta gơn kơnờm, lơh gơ kờñ, lơh geh bơta gơ rề uă tàm mpồl cau, mpồl bơtiàn. Lơh niam gơnoar broă jat sền, hơ jơnau lùp; yal jơnau yal di pal, di tŭ, jơh nùs jơh tồr mờ song dơ pă.