Tơnơ̆ tŭ iăt jơnau đơs bơh ală Ƀộ, ngàñ dê, đơs pơndŭt tàm dơ̆ lơh broă, ala mat Cíñ  phủ, Thủ tướng Cíñ phủ ồng Phạm Minh Chính jờng rơ bơta pơnđơl pràn lơh ngan mờ cồng nha lơh geh bơh Đảng ƀộ, gơnoar atbồ, ling klàng mờ làng bol càr Hà Giang dê, pơgồp bơnah tàm cồng nha bal bơh gùt lơgar dê.

Bè kơnòl broă, gùng dà broă lơh tờm tàm tơngai tus Thủ tướng đơs sùm, pal tam klăc dùl nùs bal tàm dơlam is, pơgồp bal niam mờ Dà lơgar, tơrgùm đơng lam, sồr lơh jat 3 broă lơh kwơ màng bơtàu tơnguh mhar, ngan là tơrgùm ai priă bơcri dà lơgar, lơh niam broă lơh rơndap ù tiah mờ bơtàu tơnguh rơndap tap sèng phan bơna pal sền do là kơnòl broă tờm kwơ màng. Pơn jat tai lơh sir rơndap ù tiah càr dê tơngai bơh nam 2021-2030, rơndap broă lơh tus nam 2050 di tơngai mờ bơta niam.