Tàm broă lơh lơh broă tàm càr Bình Định, mho ngai 05/02, Thủ tướng Cíñ phủ ồng Phạm Minh Chính lơh broă mờ Kwang đơng lam bồ càr Bình Định bè bơta cồng nha lơh sa nam 2022, kơnòl broă bơtàu tơnguh lơh sa- mpồl bơtiàn nam 2023; bơsong jơnau sồr nàng dong kờl Bình Định lơh jat niam rlau tai bơta ƀuơn, bơta pràn, bơtàu tơnguh mhar, kơ̆ kơljap.

Đơs pơndŭt tàm dơ̆ lơh broă, Thủ tướng Cíñ phủ ồng Phạm Minh Chính cih dờp, jờng rơ Đảng ƀộ, gơnoar atbồ mờ làng bol càr Bình Định neh tam klăc bal, pơnđơl pràn, lơh ngan mờ lơh geh cồng nha uă ngan bè lơh sa- mpồl bơtiàn; pơgồp bơnah tàm cồng nha bal Dà lơgar dê. Thủ tướng sồr càr Bình Định pal lơh di ală bơta geh ngan nàng lơh jat broă lơh niam rlau tai; lơh geh nùs nhơm pơnđơl pràn lơh is mờ nus nhơm Tây Sơn; pơn jat tai lơh jat tam pà kấp, tàm pà gơnoar; lơh pràn tam gơl pa bơceh pa, ngui khoa họk kông nghệ; bơtàu tơnguh lơh sa sồ, lơh sa tơlir, lơh sa tàm pơdar; sền gròi broă lơh bơt bơtàu Đảng, ală anih lơh broă cíñ trị.