Tơnơ̆ tŭ iăt ală jơnau đơs, đơs pơndŭt dơ̆ lơh broă Thủ tướng Cíñ phủ ồng Phạm Minh Chính jờng rơ bơta lơh ngan mờ jờng rơ ngan cồng nha mờ Đảng ƀộ, Gơnoar ătbồ mờ Làng bol càr Trà Vinh dê neh lơh geh tàm tŭ lơh jăt kơnòl broă bơtàu tơnguh lơh sa- mpồl bơtiàn tơngai lài, neh pơgồp bơnah tàm bơta bơtàu tơnguh bal bơh jơh gùt lơgar dê.

Bè pơlam gùng dà bơtàu tơnguh, Thủ tướng đơs loh, càr pal lơh jăt gơtùi broă rơndăp lơh tờm nàng lơh gơlik bơta bơtàu tơnguh pràn mờ kơ̆ kơl jăp, Trà Vinh jăt tàm ală broă tờm: Lơh broă sa sươn sre ngui măy mok pa mờ bồ tơngoh kơlôi sơnơng lơh sa sươn sre; Lơh sa dà lềng lơh bơta gơn kơnờm; Lơh sa mờ măy mok tơrgùm tàm lơh gơlik phan lơh geh bơh sươn sre, năng lượng lơh geh wơl; Chồl tơnguh gơguh tai lơh sa tơlir, tam gơl sồ, tam gơl pa bơceh lơh, mpồl cau lơh broă cồng nha uă; Rơndăp tăp sèng phan bơna măy mok, phan bơna mpồl bơtiàn, tiah drà bơcri priă lơh dùl ròt bal mờ pa ngan.