Thủ tướng Cíñ phủ ồng Phạm Minh Chính lòt gùng tus bal Pơrjum Kwang bàng Kâp dờng Asean mờ GCC mờ còp lơgar Saudi Arabia
Thứ năm, 09:30, 19/10/2023
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Ngai 18/10, Thủ tướng Cíñ phủ ồng Phạm Minh Chính lam bồ mpồl ala măt kwang bàng kâp dờng lơgar Việt Nam neh lòt gùng tus bal Pơrjum Kwang bàng Kâp dờng Asean mờ Mpồl duh broă Lơh broă bal Vùng Vịñ (GCC) mờ còp lơgar Saudi Arabia.
Pơrjum Kwang bàng Kâp dờng Asean mờ GCC geh lơh tàm tŭ bơta dunia mờ tiah do pơn jăt tai geh ală tam gơl mhar ngan mờ kal ke ngan.
Do là pơrjum kwang bàng kâp dờng dơ̆ sơnrờp đah Asean mờ GCC kờp bơh tŭ 2 lơgar lơh bơta gĭt gơ̆p tàm nam 1990, geh gơtha kwơmàng ngan, lơh geh jơnau kờñ bơh jơh bal 2 gah dê. Dơ̆ lòt lơh broă dơ̆ do bơh Thủ tướng Cíñ phủ ồng Phạm Minh Chính dê geh gơtha kwơmàng ngan, mờ bal mờ ală lơgar Asean tơngŏ nùs nhơm pa, krơi is, tam klăc bal, bơtàu tơnguh mơkung lơh kơ̆ kơl jăp wơl bơta pin dờn cíñ trị, tơnguh uă cồng nha lơh broă bal đah lơgar Việt Nam mờ Saudi Arabia.
Viết bình luận