Bàr nă kwang đơng lam bồ ring bal đơs, broă 2 gah neh mhar lam lơh tàm pơgơl cribơyai broă mờ tìp mat kwang bàng kâp dờng mờ ală kâp tơnơ̆ tŭ pờ mpồng wơl neh dong sơlơ tơnguh bơta pin dờn, tă bơsong kal ke, pờ gùng ai lơh broă bal bơtàu tơnguh wơl mờ bơtàu tơnguh in, pơgồp bơnah bal mờ gơp bơt bơtàu rài lơh sa lơngăp lơngai is, lơh tờm is, mut gơ rờm bal dunia jrô ơnàng.

Niam nùs bè ală bơta bơtàu tơnguh pràn kơldang, ngac ngar tàm git gơp đah Việt Nam mờ Singapore tàm ală gah broă lơh, 2 nă kwang đơng lam bồ ring bal pơn jat tai lơh niam ală tơngume tờm lơh sa, ngan là cíñ trị, lơh sa, sền gàr lơngăp lơngai, sền gàr dà lơgar, bơto bơtê mờ bơsram, bơto cau lơh broă geh bơta niam uă, ngan là kwang bàng kâp dờng màng, kwang bàng atbồ; sơlơ tìp mat lơh kwèng làng bol, tơnguh jơnau kờñ nhơl chờ; chồl pràn ală jơnau bơceh bè tàm tơrbŏ gùng dà lềng; kung bè sơlơ tơnguh lơh broă bal tàm ală gah pa di mờ rài công nghiệp 4.0. 2 gah kung hơ pơrgon sơlơ tơnguh lơh broă bal tàm ală dơ̆ cribơyai uă gah bè ASEAN, APEC, Liên hợp quôk, ring bal pơn jat tai bơt bơtàu mpồl bơtiàn ASEAN bơtàu tơnguh kơ̆ kơljap, tam klac, pràn kơldang, kơ̆ kơljap.