Tàm dơ̆ tìp mat cribơyai broă, Thủ tướng Phạm Minh Chính đơs nền, Việt Nam kơ̆ dơn jat broă lơh “dùl lơgar Lo”, sền gròi ală jơnau bơceh lơh gùt plai ù bơh lơgar Lo dê mờ tŭ lơi kung kờñ cribơyai bè ală jơnau bơceh lơh do. Tổng Ƀí thư, Củ tịc lơgar Lo ồng Tập Cận Bình đơs sùm, Lo sền Việt Nam là gùng dà lơh lài ngan tàm jơh ală broă lơh cribơyai broă mờ lơgar rềp bal bơh Lo dê; do là bơta sac rơ wah kuơmàng bơh lơgar Lo dê tàm bơta bơtàu tơnguh jŏ jòng bơh git gơp đah Lo mờ Việt Nam dê; kơp kờñ mờ rơcang sơlơ tơnguh bơta git gơp đah 2 Đảng, 2 lơgar ngai sơlơ bơtàu tơnguh, tam gơl tàm jơh ală bơta, ngan ngồn.

Bàr gah cribơyai bè ală broă dunia, tàm tiah do mờ jơh bal 2 gah sền gròi, ring bal bal mờ gơp gròi sền mờ bơsong dipal ală bơta ờ ring bal, gàr sùm ring lơngai, kơ̆ kơljap tàm dà lềng, lơh kơ̆ kơljap anih ƀuơn ƀiàu ai bơta bơtàu tơnguh bơh tơl lơgar dê in.