Tàm dơ̆ tìp mat mờ Thủ tướng lơgar Barbados mò Mia Mottley, 2 gah ring bal pal sơlơ tơnguh ală broă lơh cribơyai lơh ngan gĭt wă bal mờ gơ̆p. Thủ tướng kung đơs sùm lơgar Barbados là lơgar geh gơnoar broă kwơ màng tàm tiah Caribe, kơ̆p kờñ là bơh lơgar Barbados, lơgar Việt Nam rơ̆p sơlơ tơnguh bơta gĭt gơ̆p rlau tai tàm tiah do dê. Thủ tướng lơgar Barbados mò Mia Mottley đơs nền rcang lài lơh rƀàng tàm tơrbŏ bal nàng lơgar Việt Nam in sơlơ tơnguh bơta gĭt gơ̆p mờ ală lơgar tàm tiah Caribe.

Tàm dơ̆ tìp mat đah 2 gah mờ Thủ tướng lơgar New Zealand ồng Chris Hipkins, Thủ tướng Cíñ phủ ồng Phạm Minh Chính đơs nền lơgar Việt Nam sền dờng màng mờ kơ̆p kờñ sơlơ tơnguh bơta gĭt gơ̆p Lơh broă bal jŏ jòng mờ lơgar New Zealand.

Bàr nă Thủ tướng sồr ală Ƀộ, ngàñ geh gơrềng lơh pràn ală broă lơh gơ hòi gơ jà, pờ mpồng rlau tai drà kă bro ai phan bơna bal mờ gơ̆p, tàm hơ̆ geh phan lơh geh bơh lơh sa suơn sre mờ wèt tus jơnau kờñ ai priă lơh geh bơh kă bro phan mờ lơgar ndai 2 gah dê lơh geh 2 tơmàn dolar Mỹ tàm nam 2024.