Do là dơ̆ lòt còp sơn rờp bơh Thủ tướng Cíñ phủ Việt Nam dê tus lơgar Ấn Độ kờp bơh tŭ 2 lơgar lơh bơta git gơp lơh broă bal jŏ jòng tơl làm tàm nam 2016. Mìng tàm 2 ngai, Thủ tướng Cíñ phủ neh geh tơngume lơh broă uă ngan, li la ngan mờ mờr 25 broă lơh, geh ală dơ̆ pơrjum bơyai, tìp mat mờ kwang đơng lam bồ kâp dờng lơgar Ấn Độ, ală tập đoàn dờng bơh lơgar Ấn Độ dê, đơs tàm Cribơyai mpồl lơh sa kă bro Việt Nam - Ấn Độ mờ Mpồl duh broă ală broă dunia bơh lơgar Ấn Độ dê.

Tàm dơ̆ lòt còp, kwang đơng lam bồ 2 lơgar neh đơs nền jơnau đơs kờñ sơlơ tơnguh rlau tai bơta git gơp lơh broă bal jŏ jòng tơl làm Việt Nam - Ấn Độ tàm ală gah ờs mờng bè sền gàr dà lơgar – sền gàr lơngăp lơngai, kă bro – bơcri priă, niam chài – bơto bơsram mờ rề ơnàng ală gah lơh broă bal pa bè lơh sa tơlir, lơh sa sồ, lơh sa bồ tơngoh bơsram să, tơnguh kă bro mờ bơcri priă 2 gah, sơlơ tơnguh mờ lơh niam rlau tai lơh broă bal bè jak chài – măi mok.