Tàm dơ̆ cribơyai, ală mpồl lơh sa kă broă neh iăt kwang đơng lam bồ ală ƀộ, gah lơh broă dà lơgar yal tơngĭt bè jơnau tơl pràn lơh broă bal đah 2 lơgar, broă dong kờl gơhòi gơ jà bơcri priă bơh tơl gah dê. Ală mpồl lơh sa kă bro lơgar Saudi Arabia jờng rơ ngan tiah bơcri priă, lơh sa kă bro ngai sơlơ geh lơh niam wơl tàm lơgar Việt Nam; mơkung jòi bè tŭ niam lơh broă bal bơcri priă, tàm tơrbŏ bal lơh sa kă bro, geh ală jơnau đơs mờ Cíñ phủ, ală ƀộ, gah lơh broă 2 lơgar mờ dan geh ală rơndăp broă lơh lơh broă bal loh làng bal mờ jơnau kơ̆p kờñ lơh gơlik ală bơta kwơ pa mờ bơta gơn kơnờm gơguh tai pa nàng chồl tơnguh, tơnguh bơta gĭt gơ̆p lơh broă bal lơh sa 2 lơgar bè cồng nha mờ gơlòt mŭt ngan ngồn tàm uă broă tàm tơngai tus.

Đơs tàm dơ̆ cribơyai, Thủ tướng Cíñ phủ ồng Phạm Minh Chính đơs loh, lơgar Việt Nam rơ̆p lơh geh tiah ai ală cau bơcri in lơh broă geh cồng nha, niam, kơ̆ kơl jăp, jŏ jòng tàm lơgar Việt Nam. Thủ tướng kơ̆p kờñ lơgar Việt Nam mờ Saudi Arabia rơ̆p pơgồp bal niam, bal mờ gơ̆p gơ gơs là mpồl cau lơh kòn gùng nàng mpồl lơh sa kă bro 2 gah in ờ mìng tus bal tàm drà kă bro gơ̆p dê mờ gam pờ ơnàng tus bal jơh gùt kơnhoàl ù tiah bềng bơta tơl pràn, dờng ơnàng rlau Asean mờ GCC.

  Kung tàm ngai 19/10 sơl, Thủ tướng Cíñ phủ ồng Phạm Minh Chính neh wă Ƀộ trưởng Kiñ tế mờ Kế hoạc mờ Ƀộ trưởng Mpồl cau lơh broă mờ Bơtàu tơnguh mpồl bơtiàn lơgar Saudi Arabia dê. Tàm ală dơ̆ wă, Thủ tướng Cíñ phủ ồng Phạm Minh Chính gờm chờ ală cồng nha dờng màng bơh lơgar Saudi Arabia dê tàm broă lơh li la uă mờ bơtàu tơnguh ală gah lơh sa ờ di gah zờu, lơh pràn ngui khoa họk kông nghệ, tam gơl pa bơceh lơh, lơh lài bơtàu tơnguh tơlir, kơ̆ kơl jăp, wèt tus broă lơh ngan ngồn jơnau kờñ Lơh broă jŏ jòng “wèt sền tus nam 2030”.

Đơs nền bơta gĭt gơ̆p lơh broă bal đah lơgar Việt Nam mờ Saudi Arabia gam tàm bơta bơtàu tơnguh niam bơnĕ ngan mờ gam uă bơta pràn nàng chồl tơnguh lơh broă bal, Thủ tướng Cíñ phủ sồr 2 rài lơh sa sơlơ tàm tơrbŏ bal, pơgồp bal bơyai lơh ală broă lơh gơ hòi gơ jà kă bro, bơcri priă, tàm hơ̆ lài ngan là ală gah bè năng lượng, priă jền ngân hàng, sơlơ tơnguh lơh broă bal tàm gah pa bè lơh broă bal lơh sa, lơh gơlik phan bơna Halal, tam gơl sồ...