Ala măt kwang bàng đơng lam bồ Đảng, Dà lơgar, Thủ tướng Cíñ phủ ồng Phạm Minh Chính jơh nùs chờ hờp bal, jờng rơ, ưn ngài ală cau mờ mpồl cau tàm dơlam mờ bơdìh lơgar neh tus bal mờ lơh geh Khà jờng gùt lơgar bè yal tơngĭt jơnau lơh broă mờ lơgar ndai dơ̆ IX. Thủ tướng đơs nền, 110 jơnau cih geh săc rwah, jờng rơ muh mat ngai do ngan ngồn là ală jơnau cih pơnrơ ngan, gơcèng bơta lơh gơrề uă, là phan bơna bềng lơm bơta jơh nùs jơh tồr, geh kơnòl ngan mờ nùs nhơm gơ wèt mờ dà lơgar Việt Nam bơh jơh bal cau cih tàm dơlam mờ bơdìh lơgar dê.

Tus bal Khà jờng gùt lơgar bè yal tơngĭt jơnau lơh broă mờ lơgar ndai dơ̆ IX, Anih Jơnau đơs Việt Nam neh ai geh 3 khà jờng, geh: 1 khà dùl ai jơnau cih “Sa tềp bơhiàn yau dà lơgar dê cèng jơnau đơs dờng màng bè bơta kwơ niam chài Việt Nam” bơh mpồl cau cih dê, là: Thu Hoa, Hồng Vân, Ánh Huyền, Ngọc Anh, Nhật Quỳng, Phương Khanh gơ wèt Mpồl Lơh broă mờ lơgar ndai (VOV5); 1 khà bàr ai jơnau cih: Jơnau ntas nùs nhơm khin cha jak chài “Hà Nội- Điện Biên Phủ hơđang kơlwàng trồ” bơh mpồl cau cih dê, là: Nguyễn Vũ Duy, Nguyễn Thị Mai Hồng, Nguyễn Hồng Nhung- Mpồl Yal tơngĭt jơnau gơlik geh pah ngai (VOV1) mờ 1 khà pe ai jơnau cih: Tam klăc bal sơrlèt gan bơta jê sồt bơh cau cih, là Phan Ngọc Thạch dê, Anih lơh broă sùm Anih Jơnau đơs Việt Nam tàm lơgar Ai Cập.