Đơs tàm dơ̆ kĭ hơ, Thủ tướng Cíñ phủ ồng Phạm Minh Chính đơs nền, do là broă lơh kwơ màng, geh kwơ ngan bơh gah Nhơm zờu dê geh bơta sền gròi bơh ală kấp, ală ngàñ, ală tiah mờ làng bol tiah geh rơndăp broă lơh dê lòt gan.

Thủ tướng đơs nền, tàm broă lơh kwơ màng, rơndăp ù tiah lơh uă bal năng lượng tơrgùm bal Dà lơgar dê, Đảng mờ Cíñ phủ lơgar Việt Nam sền gròi ngan tus broă bơtàu tơnguh kơ̆ kơl jăp gah Nhơm zờu Việt Nam, ngan là bơtàu tơnguh lơh sa mờ măi mok nhơm zờu dê. Tàm hơ̆, pơn jờng broă bơcri priă tơnhào nhơm zờu tàm ù tiah lơgar Việt Nam dê, ngan là tiah dà jrô, tiah ngài; lơh lài ai nhơm geh is tơnhào bơh ù tiah lơgar Việt Nam dê ai broă lơh gơlik đèng mờ lơh sa mờ măi mok, drơng broă làng bol.