Kwang geh jơng tàm Ƀộ Cíñ trị, Thủ tướng Cíñ phủ ồng Phạm Minh Chính, Củ tịc Mpồl duh broă Pơrlòng – Pơn jờng Dà lơgar đơng lam pơrjum mờ geh jơnau đơs kwơ màng.

Đơs tàm pơrjum, geh 700 nă kwang bàng pơnrơ gơguh jăk – ală bơkào niam tàm suơn bơkào bơh broă pơrlòng kờñ gơboh mờ dà lơgar, là ală cau lam lài gơguh jăk, ala măt git nđờ tơlăk mpồl lơh broă, cau dùl nă să geh pơnrơ jăk ngan tàm ală gah broă, tàm ală tiah tàm gùt Lơgar; Thủ tướng pin dờn là, gam geh gal ngan cau gơguh jăk ndai ngai mang tă pơgồp bal bơta pràn, bơta ngăc ngar, bơta pràn ai dà lơgar in tàm jơh ală gah broă, tàm làng bol mờ làng bol lơgar he kis tàm lơgar kung bè tàm lơgar bơdìh. Thủ tướng kơ̆p kờñ ală cau pơnrơ gơguh jăk bañ ờ sền gròi, hừh nùs mờ cồng nha neh lơh geh, mờ pal prăp gàr sùm nùs nhơm, bơta pràn nàng pơn jăt tai lơh ngan tàm pơrlòng, lơh ngan brồ guh sùm, lơh ngan uă rơlao tai ai mpồl bơtiàn, ai dà lơgar bal mờ làng bol in.