Thủ tướng ồng Phạm Minh Chính đơs tờm, lơgar UAE là dùl tàm ală lơgar lơh sa lài ngan lơgar Việt Nam dê tàm tiah Trung Đông. Bŭ lah tìp uă kal ke tài bơh kòp gơtờp bal mờ bơta tàm dunia, mơya khà kă bro bal đah bàr lơgar nam 2022 neh geh mờr 5 tơmàn dolar Mỹ.

Tàm tơngai tus, Thủ tướng hòi jà bàr gah lơh pràn broă lơh bal lơh sa, kă bro, bơcri priă, tàm hơ̆ lơh pràn broă cri bơyai Hiệp định Lơh sa tơl ală bơta đah lơgar Việt Nam mờ lơgar UAE mhar ngan; hòi jà lơgar UAE pờ ơnàng drà kă bro phan tăc bơh lơgar Việt Nam dê. Ƀộ Ngoại thương lơgar UAE đơs tờm, lơgar Việt Nam là dùl lơgar lơh broă bal kwơ màng bơh lơgar UAE dê, tàm hơ̆ uă ngan là tàm broă tơnguh bơtàu kă bro mờ mpồl ASEAN, đơs là bàr gah geh uă bơta ndrờm bal nàng dong kờl bal tơnguh bơtàu.