Tàm dơ̆ wă, Thủ tướng Cíñ phủ ồng Phạm Minh Chính sồr Ƀộ trưởng ồng Tiêu Chí Hiền pơn jat tai kờñ mờ sơlơ tơnguh bơta gĭt gơ̆p Lơh broă bal jŏ jòng đah Việt Nam mờ Singapore tàm jơh ală gah broă, bơdìh gah broă kwơ màng là tơnguh bơta pin dờn bơh ală broă lơh sơlơ tơnguh cribơyai mpồl kwang bàng mờ tìp mat kwang bàng kấp dờng mờ ală kấp.

Cribơyai bè ală broă tàm tiah do mờ tàm dunia sền gròi bal, 2 gah ring bal tàm tơngai kal ke bè tŭ do, 2 lơgar pal pơgồp bal gàr geh sùm ring lơngai, kơ̆ kơljap mờ lơh broă bal tàm tiah do, bơsong tam pìt tam phà mờ broă lơh ring lơngai mờ jat tàm adat boh lam dunia dê; sơlơ tam klăc bal, ring bal, pơgồp bal bơt bơtàu dùl Asean pràn kơl dang, pas gơs mờ lơh jat niam gơnoar broă là tiah tờm, ngan là tàm ală broă tàm tiah do dê.