Thủ tướng đơs nền đah lơgar Việt Nam rơ̆p pơgồp bal niam ngan, lơh geh ală bơta mờ dong kờl Đại sứ lơh sir niam ngan ală kơnòl broă, pơgồp bơnah sơlơ tơnguh bơta gĭt gơ̆p lơh bơyô bal, lơh broă bal đah 2 lơgar bơtàu tơnguh ngai sơlơ ngan ngồn, tơl làm mờ geh cồng nha.

Thủ tướng sồr tàm tơngai lơh broă bơh he dê, Đại sứ tơrgùm pơgồp bal mờ ală anih lơh broă geh gơrềng bơh lơgar Việt Nam mờ Brunei pơn jat tai sơlơ tơnguh tàm pơgơl mpồl kwang bàng kấp dờng lòt còp bal mờ gơ̆p mờ ală kấp, pơgồp bal tàm ală dơ̆ cribơyai lơh uă bơta gĭt gơ̆p; sùm kờp sền, sồr lơh mhar mờ lam lơh geh cồng nha ală jơnau ring bal bơh Kwang đơng lam bồ kấp dờng; pơgồp bal lam lơh jat geh cồng nha broă lơh lơh broă lam lơh Bơta gĭt gơ̆p lơh broă bal tơl làm Việt Nam mờ Brunei tơngai bơh nam 2023-2027, tơrgùm tàm 04 gah broă kwơ màng tàm hơ̆ geh nhơm zờu, hóa cất, lơh gơlik phan ngui sa Halal, lòt nhơl mờ tìp mat lơh kwèng làng bol.