Tàm dơ̆ wă, Thủ tướng mờ Phó Củ tịc Ủu ƀan câu Âu (EC) chờ hờp tŭ sền gŏ tàm tơngai do, bơta git gơ̆p kă bro-bơcri priă đah lơgar Việt Nam mờ mpồl Mpồl tam klăc câu Âu (EU) geh brồ guh wơl mờ gơguh niam bŭ lah gơtìp kal ke tài bơh kòp Kovid-19 mờ lơh gơtìp koh gơl broă kă bro. Mpồl EU tŭ do là gah kă bro dờng dơ̆ 4 (tơnơ̆ lơgar Lo, Mỹ mờ Hàn Quốk), drà tăc phan mờ lơgar ndai dờng dơ̆ 3 mờ drà blơi phan bơh lơgar bơdìh dờng dơ̆ 5 lơgar Việt Nam dê.

Gam lơgar Việt Nam là lơgar kă bro dờng ngan bơh mpồl EU dê tàm mpồl ASEAN. Thủ tướng Cíñ phủ đơs nền, lơgar Việt Nam sùm sền mpồl EU là dùl tàm ală mpồl kă bro pin dờn, kwơ màng ngan tàm broă lơh broă bal mờ lơgar ndai lơgar Việt Nam dê. Nàng lơh geh cồng nha bơta git gơ̆p lơh broă bal đah lơgar Việt Nam mờ mpồl EU, Thủ tướng hòi jà bàr gah tơnguh broă tàm pơ gơl mpồl; lơh pràn broă lơh bal tàm ală gah broă tam gơl tơlir, tam gơl sồ, lơh sa gơlòt bal, lơh sa tam pà bal, bơ̆t bơtàu mờ lơh gơs kơrnoăt pal jăt, bơto cau lơh broă…