Thủ tướng ồng Phạm Minh Chính jơh nùs gờm chờ Kwang atbồ lơgar Mông Cổ ồng Khurelsukh, jờng rơ dơ̆ lòt còp cèng gơtha kwơ màng, geh bơyai lơh lài mờ dơ̆ tơngkah kir sơnrai 70 nam lơh bơta gơt gơ̆p cribơyai broă mờ lơgar ndai tàm nam 2024 mờ ai bơta gĭt gơ̆p lơh bơyô bal bơh yau đah 2 gah tus tơngai bơtàu tơnguh pa, mut lơh broă ngan ngồn mờ geh cồng nha.

Bàr gah neh cribơyai bè ală broă lơh geh ngan nàng kờñ sơlơ tơnguh lơh broă bal ngan ngồn, geh cồng nha rlau tai tàm jơh ală gah broă, di pal mờ bơta ƀuơn bơta pràn, jơnau kờñ bơh 2 gah, ndrờm pal mờ bơta gĭt gơ̆p cíñ trị niam bơnĕ ngan đah 2 lơgar dê. Thủ tướng jờng rơ 2 gah neh pờ gùng par song tơn mờ kĭ Hiệp địñ bè sră lòt rê ai cau cèng sră lòt rê tàm lơgar ndai bè ờs in, bơh hơ̆ lơh geh ală bơta ƀuơn ngan nàng chồl tơnguh lơh broă bal lòt nhơl, kă bro mờ sơlơ tơnguh tìp mat lơh kwèng làng bol 2 lơgar.