Tàm dơ̆ wă rò, Thủ tướng Cíñ phủ ồng Phạm Minh Chính jờng rơ dơ̆ lòt còp dơ̆ do rơ̆p pơgồp bơnah lơh jrô ơnàng làm uă rlau tai bơta gĭt gơ̆p Lơh broă bal kwơ màng đah lơgar Việt Nam mờ Thái Lan.

Cribơyai bè lơh broă bal đah 2 gah, Thủ tướng Cíñ phủ ồng Phạm Minh Chính sồr 2 lơgar pơn jat tai chồl tơnguh mờ ai bơta gĭt gơ̆p Lơh broă bal kwơ màng đah Việt Nam mờ Thái Lan gơguh tus gơnoar broă pa; sơlơ tàm pơgơl mpồl kwang bàng kấp dờng mờ ală kấp lòt còp bal mờ gơ̆p tàm jơh ală gah Đảng, Dà lơgar, Cíñ phủ mờ Quốk hội dê; lam lơh geh cồng nha ală gùng dà broă lơh lơh broă bal đah 2 gah, ngan là broă lơh pơrjum Cíñ phủ bal bơh 2 nă Thủ tướng dê đơng lam. Thủ tướng kung sồr 2 gah jơh nùs lơh ngan lơh Broă lơh Lơh broă lam lơh bơta gĭt gơ̆p Lơh broă bal kwơ màng sơlơ tơnguh đah Việt Nam mờ Thái Lan tơngai bơh nam 2022 -2027.