Thủ tướng Cíñ phủ ồng Phạm Minh Chính wă rò Thủ tướng lơgar Tây lài do
Thứ ba, 10:31, 14/02/2023
Cau mblàng Lơ Mu K'Yến/VOV
Cau mblàng Lơ Mu K'Yến/VOV
VOV4.K’Ho- Mho ngai 13/02, Thủ tướng Cíñ phủ ồng Phạm Minh Chính neh wă rò ồng Edourd Philippe, Thủ tướng lơgar Tây lài do, tŭ do là Kwang ătbồ ƀòn dờng Le Havre gam geh dơ̆ lòt còp lơgar Việt Nam.
Tàm dơ̆ wă rò, bàr nă kwang đơng lam bồ đơs bơta gĭt gơ̆p tam klăc lơh broă bal jŏ jòng đah Việt Nam mờ Tây ngai sơlơ bơtàu tơnguh geh cồng nha, ngan ngồn tàm jơh ală gah broă bal mờ bơta pin dờn cíñ trị uă. Tây sùm là lơgar tam klăc lơh broă bal kă bro, bơcri priă, dong kờl bơtàu tơnguh khà dùl câu Âu dê tàm Việt Nam. Priă geh bơh kă bro đah 2 lơgar gam geh bơtàu tơnguh wơl tơnơ̆ tơngai gơbàn kòp dờng Kovid-19, lơh geh 5 tơmàn 300 tơlak euro nam 2022, gơguh 10% pơndrờm mờ nam 2021. Bàr lơgar kung gam uă ngan bơta pràn nàng kờñ tơnguh tai priă lơh geh bơh kă bro tàm tơngai tus, kwơmàng tơnơ̆ tŭ Hiệp địñ Kă bro Khăt gơboh đah Việt Nam mờ EU (EVFTA) geh ai ngui.
Viết bình luận