Thủ tướng Cíñ phủ ồng Phạm Minh Chính wă Tổng thư kĭ Mpồl lơh broă bal mờ bơtàu tơnguh lơh sa ồng Mathias Cormann
Thứ bảy, 09:49, 28/10/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mho òr (27/10), Thủ tướng Cíñ phủ ồng Phạm Minh Chính neh wă Tổng Thư kĭ Mpồl lơh broă bal mờ Bơtàu tơnguh lơh sa (OECD) ồng Mathias Cormann di dơ̆ tus bal Cribơyai Ƀộ trưởng OECD- Tiah đah Jum mat tơngai lik câu Á mờ ală broă lơh tàm tơngume Đơng lam bal Củ tịc broă lơh Tiah đah Jum mat tơngai lik câu Á (SEARP) bơh OECD nam 2023 geh bơyai lơh dơ̆ 2 pơn jat sùm tàm Hà Nội.
Jờng rơ uă ngan bơta gĭt gơ̆p lơh broă bal niam bơnĕ đah Việt Nam mờ OECD, Thủ tướng Cíñ phủ sồr 2 gah chồl tơnguh bơta gĭt gơ̆p lơh broă bal, lơh broă ngan ngồn, geh cồng nha rlau tai.
Thủ tướng Cíñ phủ ồng Phạm Minh Chính đơs ală gùng dà pơlam bơtàu tơnguh broă lơh kwơ màng bơh lơgar Việt Nam dê, đơs sùm ală broă lơh lài ngan bơh lơgar Việt Nam dê tàm tơngai tus, tàm hơ̆ geh chồl tơnguh 3 bơtàu tơnguh mhar broă lơh kwơ màng bè gùng dà broă lơh, phan bơna bơt bơtàu mờ mpồl cau lơh broă; bơt bơtàu ală bơta gơn kơnờm gơguh kwơ màng (tăc phan mờ lơgar ndai, bơcri priă, ngui sa), mơkung lơh pràn ală bơta gơn kơnờm gơguh lơh sa pa bè lơh sa tơlir, tam gơl sồ, lơh sa tàm pơdar, ờ hoan tuh tơlik nhơm bơ̆ bơdìh, lơh sa geh bồ tơngoh jak.
Viết bình luận