Thủ tướng Cíñ phủ ồng Phạm Minh đơng lam pơrjum Kơryan ờ ai kŭp phan tàm dà lềng tìs mờ adat boh lam, ờ yal mờ ờ lơh jat jơnau sồr
Thứ năm, 10:50, 29/08/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mho ngai 28/08, Thủ tướng Cíñ phủ ồng Phạm Minh Chính đơng lam pơrjum sền wơl cồng nha lơh jat kơryan ờ ai kŭp phan tàm dà lềng tìs mờ adat boh lam, ờ yal mờ ờ lơh jat jơnau sồr ( IUU), rcang wă rò mờ lơh broă mờ Mpồl Lùp sền bơh Anih duh broă câu Âu (EC) dơ̆ 4; jơh nùs lơh ngan tă “sră rơmĭt” IUU bơh EC dê.
Mờ jơh nùs lơh ngan tă sră tơngkah “Sră rơmĭt” tàm dơ̆ lùp sền dơ̆ 5 bơh Mpồl Lùp sền bơh EC dê kờp dŭ tàm nhai 10 nam 2024 do, Thủ tướng sồr, ală kwang bàng sền sơ wì, cribơyai sền tus tơngai tŭ do cồng nha bơsong ală bơta ờ niam, bơta ờ hềt lơh geh jat jơnau sồr bơh EC dê.
Thủ tướng kung sồr pơrjum lơh loh ală bơta ờ niam, ờ hềt lơh geh, bơta ờ pràn tŭ do mờ geh broă lơh tơrgùm bơsong tơn jơh ală bơta lơh tìs tơnhào phan IUU neh geh Mpồl Lùp sền EC sơñio; gàr niam broă wă rò mờ lơh broă mờ Mpồl Lùp sền EC dơ̆ 5 lơh geh cồng nha niam ngan rlau jơh.
Viết bình luận