Tàm dơ̆ lòt còp do, Thủ tướng Cíñ phủ Phạm Minh Chính rơ̆p geh ală dơ̆ pơrjum, tìp mat mờ kwang đơng lam bồ kấp dờng lơgar Hungary; còp bàr pe anih lơh sa- mpồl bơtiàn bơh lơgar Hungary dê; tus bal ală dơ̆ cribơyai mpồl lơh sa kă bro Việt Nam mờ Hungary; tìp mat kwang đơng lam bồ bàr pe mpồl lơh bơyô bal mờ tìp mat kwang bàng, cau lơh broă tàm Đại sứ quán mờ ala mat mpồl bơtiàn cau Việt Nam kis tàm lơgar Hungary.

Dơ̆ lòt còp lơgar Hungary bơh Thủ tướng Cíñ phủ dê rơ̆p pơgồp bơnah tơnguh rlau tai bơta pin dờn cíñ trị, sơlơ tơnguh mờ lơh duh hồl bơta gĭt gơ̆p lơh bơyô bal bơh yau, jơh nùs dong kờl bal mờ gơ̆p đah lơgar Việt Nam mờ Hungary; sơlơ tơnguh mờ ai ală gah lơh broă bal bơh yau tus tàm tơngai pa, lơh geh jơnau sồr bơtàu tơnguh bơh tơl lơgar dê; sơlơ lơh broă bal tàm ală gah geh bơta ƀuơn bơta pràn; lơh niam rlau tai nùs nhơm lơh bơyô bal đah làng bol lơgar Việt Nam mờ làng bol lơgar Hungary.