Thủ tướng Cíñ phủ Phạm Minh Chính đơng lam dơ̆ pơrjum Cíñ phủ ờs mờng nhai 11 nam 2023
Thứ năm, 09:23, 07/12/2023
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Drim ngai 06/12, tàm Hìu duh broă Cíñ phủ dê, bơh bơta đơng lam bơh Thủ tướng Phạm Minh Chính dê, Cíñ phủ pơrjum dơ̆ ờs mờng nhai 11 nam 2023 nàng sền swì broă lơh sa- mpồl bơtiàn nhai 11 mờ 11 nhai nam 2023; broă lam lơh broă lơh bơtàu tơnguh wơl mờ bơtàu tơnguh lơh sa- mpồl bơtiàn;broă tam pà, ai priă bơcri dà lơgar dê; broă lam lơh 03 Broă lơh jơnau kờñ dà lơgar.
Tơnơ̆ tŭ iăt ală jơnau đơs, đơs pơndŭt dơ̆ pơrjum, Thủ tướng Phạm Minh Chính neh yal loh ală cồng nha lơh geh tàm broă lơh sồr lơh đơng lam mờ broă lơh sa- mpồl bơtiàn nhai 11 mờ 11 nhai nam 2023 dê, ngan là tàm tă bơsong kal ke bơta gơkòl, dong kờl làng bol, mpồl lơh sa kă bro bơtàu tơnguh wơl mờ bơtàu tơnguh lơh sa kă bro.
Bal mờ hơ̆, Thủ tướng sồr lơh pràn ai priă bơcri dà lơgar. Broă lơh bơtàu tơnguh wơl 03 broă lơh jơnau kờñ dà lơgar; lơh mhar kĭ ring bal rơndăp ù tiah. Pal lơh sir tam pà nền cê jơh ală priă jền bơcri dà lơgar dê broă rơndăp lơh nam 2023 gam wơl lài mờ ngai 10/12/2023.
Viết bình luận