Jat broă lơh lòt còp, Thủ tướng Phạm Minh Chính đơng lam dơ̆ wă rò Thủ tướng lơgar Lào mờ pơ ùr tàm Hìu duh broă Củ tịc; tơnơ̆ hơ̆ 2 nă kwang đơng lam bồ lam bồ mpồl kwang bàng kấp dờng 2 Cíñ phủ lơh dơ̆ pơrjum tàm Hìu duh broă Cíñ phủ; bơyai lơh dơ̆ Kĭ hơ sră nggal lơh broă bal đah ală Ƀộ, ngàñ, ală tiah 2 lơgar dê. Tàm dơ̆ lòt còp dơ̆ do, Thủ tướng lơgar Lào rơ̆p bal mờ Thủ tướng Phạm Minh Chính đơng lam bal Pơrjum dơ̆ 46 Ủy ƀan 2 Cíñ phủ Việt Nam mờ Lào. Củ tịc lơgar Võ Văn Thưởng, Củ tịc Quôk hội Vương Đình Huệ rơ̆p wă rò Thủ tướng lơgar Lào Sonexay Siphandone.

Dơ̆ lòt còp ngan ngồn lơgar Việt Nam bơh Thủ tướng lơgar Lào mờ pơ ùr dê geh bơyai lơh tam tơngai bơta gĭt gơ̆p 2 lơgar pơn jat tai đềt mềr mờ bơtàu tơnguh niam bơnĕ. Bơta gĭt gơ̆p cíñ trị geh bơt bơtàu, pin dờn ngai sơlơ gơguh, gàr niam gơnoar tờm, pơlam gùng dà bal bơta gĭt gơ̆p đah 2 lơgar dê.