Jơnau kờñ bơh gah lòt nhơl lơgar he dê tus nam 2025 wă rò ết ngan rlau jơh bơh là 35 tơlak nă năc dunia mờ 120 tơlak dơ̆ năc tàm lơgar; tus nam 2030 wă rò ết ngăn rlau jơh 50 tơlak nă năc dunia, 160 tơlak dơ̆ năc tàm lơgar. Nàng lơh geh jơnau kờñ hơ̆, jat Thủ tướng đơs, gah lòt nhơl kờñ ngan ngồn pal tam gơl pa bồ tơngoh kơlôi sơnơng, broă lơh mờ ală broă lơh bơceh lơh, bơtàu tơnguh mhar, dùl ròt bal, geh cồng nha; lơh jat “Lơh bal uă, pơgồp bal niam, lơh broă bal tơl làm”.

Thủ tướng sồr pơrjum tàm bơyai, cribơyai nàng jòi geh jơnau mblàng ai ală broă lơh kal ke ờ jŏ tơngai mờ jŏ tơngai in; jòi geh ală jơnau hơ ai bàr pe jơnau tờm nàng gah lòt nhơl in bơtàu tơnguh mhar mờ kơ̆ kơl jăp. Thủ tướng sồr tơrgùm đơs loh broă kờñ pal lơh jat ală broă dong kờl lơi nàng sơlơ tơnguh lơh bal bơtàu tơnguh lòt nhơl, tơnguh uă cồng nha hòi jà mờ ngui priă jền; kờñ pal geh broă lơh lơi nàng pơn jờng, lơh geh bơta niam ƀuơn ngan nàng sơlơ bơtàu tơnguh lòt nhơl; broă lơh lơi nàng bơtàu tơnguh cau lơh broă lòt nhơl, ngan là cau lơh broă geh bồ tơngoh jak.