Đơs tàm pơrjum, Thủ tướng Cíñ phủ Phạm Minh Chính đơs nền, jơh gùt Gah do pal ngan ngồn tam klac, lơh ngan, pơn đơl pràn lơh broă uă ngan rlau jơh nàng gơ dờp ngac ngar, geh cồng nha mờ tŭ tơngai, bơta pa; bơsong, sơrlèt gan tơl bơta kal ke, bơta lòng, ai tŭ niam, bơta ƀuơn pa tàm bơtàu tơnguh gah lơh sa suơn sre; rơcang lài, jơh nùs mut gơ rờm bal dunia tơl làm, jrô ơnàng, ngan ngồn, geh cồng nha. Lam lơh jat geh cồng nha jơnau kờñ tàm nam 2024 là gơguh lơh sa geh bơh 3,5 tus 4%.

Thủ tướng Phạm Minh Chính pin dờn mờ bơhiàn tam gơl pa, bơceh lơh, lơh ngan uă bơh dà lơgar tus kâp hơ đơm, gah Lơh sa suơn sre mờ Bơtàu tơnguh ƀòn lơgar rơp pơn jat tai bơtàu tơnguh pràn rlau, mhar rlau, kơ̆ kơljap rlau, lam lơh gơtùi ală jơnau kờñ neh ai tơlik, lơh geh cồng nha nam 2024 jơnhua rlau mờ nam 2023; làng bol lơh broă sa rơp ngai sơlơ pas sơm, gơguh jak rlau; ƀòn lơgar rơp ngai sơlơ tam gơl pa, bơtàu tơnguh, đềt mềr mờ dipal nàng kis rlau, pơgồp bơnah bơt bơtàu dà lơgar ngai sơlơ pràn kơldang, bơtàu tơnguh.