Pơrjum yal broă rơndăp ù tiah mờ hòi jà bơcri priă ƀòn dờng Cần Thơ là broă lơh kwơ màng gơwèt mờ broă lơh jăt Broă rơndăp ù tiah Ƀòn dờng, ngui ală bơta pràn, hòi jà bơcri priă, lơh pràn broă bơtàu tơnguh lơh sa mpồl bơtiàn ƀòn dờng Cần Thơ tàm tơngai tus.

Đơs tàm pơrjum, Thủ tướng Phạm Minh Chính pơn jờng mờ chờ gờm ƀòn dờng Cần Thơ neh mhar lơh, lơh gơs, yal Thủ tướng Cíñ phủ in tơlik mờ yal Broă rơndăp ù tiah ƀòn dờng tơngai bơh nam 2021 tus 2030, wèt tus nam 2050 tàm Pơrjum ngai òr. Gơwèt mờ broă rơndăp ù tiah ƀòn dờng dê, Thủ tướng đơs nền, ƀòn dờng Cần Thơ là dùl tàm ală tiah dờp geh broă sền gròi, bơcri priă uă bơh Đảng, Dà lơgar dê; geh kơrnoăt lơh broă ai lài tơl, ndrờm bal; geh broă rơndăp ù tiah lơh gơs niam.