Thủ tướng Phạm Minh Chính đơs nền lơgar Việt Nam sùm sền dờng màng bơta gĭt gơ̆p lơh bơyô bal bơh yau mờ lơh broă bal uă bơta niam bơnĕ mờ lơgar Hungary mờ geh uă bơta kah yau rlau 70 nam do, sồr 2 gah gàr niam dơ̆ tàm pơgơl mpồl kwang bàng kấp dờng mờ ală kấp lòt còp bal mờ gơ̆p, sơlơ tơnguh lơh broă bal tàm jơh ală gah, ală broă, tàm hơ̆ geh gah sền gàr adat boh lam.

Ƀộ trưởng Ƀộ Tư pháp lơgar Hungary gờm chờ mờ sền dờng màng ngan bơh bơta bơtàu tơnguh, gơguh lơh sa niam ngan bơh lơgar Việt Nam dê tàm tơngai lơh sa dunia gam gơtìp uă ngan kal ke. Ƀộ trưởng đơs nền lơgar Hungary kơ̆p kờñ lơh broă bal rlau tai mờ lơgar Việt Nam tàm gah sền gàr adat boh lam, ngan là tàm ală tơngume mờ Thủ tướng neh cribơyai, mơkung pà gĭt, lơgar Hungary rơ̆p dong kờl 200 bơnah priă bơsram bơto bơtê bè sền gàr adat boh lam ai lơgar Việt Nam in.