Thủ tướng Cíñ phủ Phạm Minh Chính wă rò Phó Thủ tướng, Ƀộ trưởng Ngoại giao lơgar Lào
Thứ năm, 14:23, 23/11/2023
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Mho ngai 22/11, tàm Hìu lơh broă Cíñ phủ, Thủ tướng Cíñ phủ Phạm Minh Chính neh wă rò Phó Thủ tướng, Ƀộ trưởng Ƀộ Ngoại giao lơgar Lào Saleumxay Kommasith gam ơm còp Việt Nam kĭ sră pơrgon đơng lam dơ̆ Tàm lùp cíñ trị kâp Ƀộ trưởng Ngoại giao dơ̆ 10.
Tàm dơ̆ wă rò, bàr gah neh jờng rơ bơta bơtàu tơnguh pràn kơldang bơh bơta git gơp lơh broă bal tàm jơh ală gah broă đah 2 lơgar. Bơta git gơp cíñ trị ngai sơlơ đềt mềr kơ̆ kơljap mờ pin dờn. Ală gah broă lơh broă bal tờm ngan ndai bè sền gàr dà lơgar, sền gàr lơngăp lơngai, lơh sa, niam chài, bơto bơsram mờ lơh broă bal đah ală tiah bơh lơgar Việt Nam mờ lơgar Lào dê ndrờm geh sền gròi sơlơ tơnguh rlau tai mờ geh bơta bơtàu tơnguh pa.
Thủ tướng Cíñ phủ Phạm Minh Chính sồr ală ƀộ, gah broă lơh geh gơ rềng bơh 2 lơgar dê mhar kờp sền ală gah lơh broă bal; pơgồp bal bơsong ală kòl yan bơh ală rơndap broă lơh lơh broă bal kuơmàng dê; bal mờ gơp lơh ngan ai bơta git gơp 2 lơgar mut tus tơngai pa, ngai sơlơ bơtàu tơnguh mờ geh cồng nha rlau.
Viết bình luận