Jat hơ̆, Thủ tướng Cíñ phủ sồr tàm tơngai do, jơh gùt lơgar pơnđơl pràn lơh ngan pah nam tềm pềr uă ngan rlau jơh 2% kờp jơh khà ồs đèng ngui; tơrmù hoàc huơr ồs đèng tàm jơh ală gùng che ồs đèng hơđơm 6% tàm nam 2025. Pơnđơl pràn lơh ngan tus nam 2030 geh 50% ală cờn hìu lơh broă dà lơgar mờ 50% hìu làng bol ngui ồs đèng mat tơngai crăp tềng hơđang rơkàng hìu lơh geh is ồs đèng mờ ngui is.

Tus jơh nam 2025, jơh ală gùng che ồs đèng sòl àng gùng drà ngui đèng LED. Nàng lơh geh jơnau kờñ do, Thủ tướng sồr tơl mpồl cau, cau dùl nă să is lơh jat niam, nền cê jơh nùs lơh jat lam lơh broă lơh tềm pềr ồs đèng. Ngan là, ală Ƀộ, anih lơh broă ndrờm mờ Ƀộ, anih lơh broă gơwèt Cíñ phủ, Ủy ƀan Ñân zân ală càr, ƀòn dờng gơwèt Dà lơgar, ală mpồl lơh sa kă bro mờ ală mpồl cau- mpồl bơtiàn lơh jat ală broă lơh tềm pềr ồs đèng.