Tàm dơ̆ tìp mat, Thủ tướng sồr, pơn jat tai lam lơh geh cồng nha ală broă lơh, broă lơh bơto bơtê, sền gàr mờ ròng siam kơnòm dềt đơs bal, bơto bơtê kơnòm dềt kuĕt kơlte đơs is.

Tàm hơ̆, tơrgùm bơsong bơta ờ tơl hìu bơsram bơto bơtê, ngan là tàm ală ƀòn dờng dờng, tiah lơh sa mờ măi mok. Pal sền dờng màng kơnòm bơsram ờ gŏ di tam cah is ală kơnòm, pal sền dờng màng gơnoar ring bal ùr klau bơh kòn bơnus dê, bơh hơ̆ hơ̆ sồng kơryan geh broă sơgràm aniai, lơh pờng gơwèt mờ kơnòm dềt, hơ̆ sồng ờ gam geh bơta cau pơgru geh ală broă lơh ờ di pal gơwèt mờ kơnòm dềt. Thủ tướng sồr pal lơh pràn lam lơh geh cồng nha ală gùng dà broă lơh, broă lơh bè cau kuĕt kơlte, tàm hơ̆ geh kơnòm dềt kuĕt kơlte, kơnòm bơsram kuĕt kơlte.