Tiah ring dà dờng Hồng- ù tiah tờm kwơ màng ngan bè cíñ trị, lơh sa, niam chài, mpồl bơtiàn, tiah ơm kis, sền gàr Dà lơgar, lơngăp lơngai mờ lơh broă mờ lơgar ndai; tiah prap gàr uă bơta kwơ niam chài, kah yau niam ngan bơh jơi bơtiàn; là tiah gơguh lơh sa bơh gùt lơgar dê. Tiah geh gơnoar broă tờm, geh sền là mpồng mut tiah đah Tô Dà lơgar bơh lơgar he dê mờ Asean bè tàm tơrbŏ bal bơtàu tơnguh lơh sa, kă bro mờ lơgar Lo- dùl tiah drà dờng ơnàng ngan rlau jơh tàm dunia mờ sơlơ̆u wơl.

Tàm pơrjum,Thủ tướng Phạm Minh Chính sồr ală kwang bàng cribơyai, tă pơgồp jơnau đơs tàm tơngume rơndăp ù tiah mờ jơnau kờñ tơnhào, ngui niam uă ngan rlau jơh bơta ƀuơn, bơta pràn, tŭ tơngai niam ngan, bơta kwơ tàm pơrlòng, mơkung bơsong bơta kal ke, bơta ờ hềt pràn, sơrlèt gan bơta lòng nàng tiah do in bơtàu tơnguh mhar mờ kơ̆ kơl jăp.