VOV4.K’ho- Ngai 03/07, tàm Hìu duh broă Cíñ phủ, Mpồl duh broă Tàm pơrlòng- Jờng rơ kâp dà lơgar tơngai lơh broă bơh nam 2021- 2026 pơrjum dơ̆ 3 bơh bơta đơng lam bơh Thủ tướng Cíñ phủ ồng Phạm Minh Chính dê, Củ tịc Mpồl duh broă.

Đơs tàm dơ̆ pơrjum, Thủ tướng sồr ală kwang bàng tă pơgồp jơnau đơs dùl bă jơh nùs, song dơ pă, đơs di cồng nha lơh geh bơh ală mpồl cau, cau dùl nă să is dê, jăt tàm bơta hơ̆, Mpồl geh lơh ală broă geh gơrềng bal mờ nùs nhơm làng bol lơh tờm, jơh nùs, loh làng, ring bal, di bơta rơndăp tăp sèng, di jơnau cih bơh kơrnoăt boh lam dê, dipal mờ ală cồng nha neh lơh geh jăt jơnau lơh nền bơh Đảng dê, mờ kơrnoăt boh lam bơh Dà lơgar dê.

Thủ tướng sồr pal lơh niam broă lơh tàm pơrlòng, jờng rơ dipal, jơh nùs, loh làng, làng bol lơh tờm, ờ ndơ̆p mpồn nàng lơh geh bơta gơn kơnờm lơh ngan ai tơl nă cau in, mpồl cau in dipal drơng broă lơh bơ̆t bơtàu mờ sền gàr Dà lơgar mơkung pơgồp bơnah rơcăng sơndră bơta ờ niam tàm broă sền swì sac rwah tàm pơrlòng, jờng rơ.

Cau mblàng Lơ Mu K’Yến