Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, tàm tơngai kal ke, ală kấp, ală ngàñ, ală tiah neh pơn đơl pràn lơh ngan sơrlèt gan, lam lơh kràñ cê jơh nùs, dùl ròt bal, lơh di broă, di anih ală kơnòl broă, broă lơh geh ai. Tàm hơ̆, neh tơrgùm tàm ală kơnòl broă tờm, jal mhar tŭ do là tă bơsong bơta kal ke ai mpồl lơh sa kă bro in lơh geh broă lơh, lơh geh broă lơh sa drơng rài kis ai làng bol in, sơlơ gơguh lơh sa, gàr niam ală bơta tàm pơn ring dờng, kơ̆ kơl jap lơh sa dờng, sền gàr kơ̆ kơl jap lơngap lơngai dà lơgar.

Thủ tướng Cíñ phủ kung sồr ală kwang bàng tus bal pơrjum tơrgùm cribơyai ală bơta lơh sa- mpồl bơtiàn tàm nhai 06, qúy 2 mờ 6 nhai bồ nam dê. Tàm hơ̆, đơs loh ală gah lơh niam ngan, ală broă lơh ờ hềt niam pal geh bơsong wơl, jơnau bơsram bơta mờng chài tàm broă lơh; mblàng lơh loh tŭ tơngai, ală bơta; đơs gùng dà broă lơh tờm, bơta tờm ngan, broă lơh bơtàu tơnguh mhar lơh jat ală kơnòl broă nhai 07 mờ 6 nhai lồi nam 2023.