Thủ tướng đơs nền, do kung là bơta chờ hờp mờ bơta pơñiờ să gơ wèt mờ Mpồl duh broă Đảng Cíñ phủ, Cíñ phủ mờ Đảng ƀộ Cơldŭ lơh broă Cíñ phủ dê in.

Thủ tướng đơs sùm, tàm jơh ală tŭ lơh broă, tus bal lơh broă kăc màng, ồng Phạm Gia Khiêm mờ ồng Trương Hoà Bình neh lơh uă broă, ăt uă gơnoar broă dờng kơn jơ̆ kơn jŭt ngan tàm ală gah broă lơh krơi is. Tàm khăt dồ gơnoar broă lơh lơi, gah broă lơh lơi, 2 nă ồng ndrờm sùm kơ̆ dơn jơnau kờñ, bơta kơ̆p kờñ bơh Đảng dê; dồ nùs dòn song mờ Đảng, mờ Dà lơgar mờ Làng bol; sền gàr nùs nhơm bồ tơngoh kăc màng bơh cau đảng viên kộng sản dê sùm bơsram tàp, sền gàr mờ pơlam tàp, lơh ngan, pơđơl pràn jơh nùs jơh tồr he dê lơh ală gơnoar broă, kơnòl broă geh jàu.