Jat jơnau yal tàm pơrjum, nam 2023, gah nhơm zờu neh lơh geh uă cồng nha kuơmàng, ngan là bè lơh sa kă bro, jơh gùt Tập đoàn neh lơh gơs mờ lơh gơs sơrlèt rlau uă ngan jơh ală broă jàu bè lơh sa kă bro; Kờp jơh priă lơh geh rlau 942 rbô tơmàn đông, gơguh 11 rbô 600 tơmàn đông, jơnhua rlau mờ nam 2022; pơn jat tai là mpồl lơh sa kă bro geh tă pơgồp uă ngan ai kes priă dà lơgar in, ai gŏ gơnoar broă là Tập đoàn lơh sa dà lơgar khà dùl dờng ngan rlau jơh, bơta gơ rềng gơ wèt mờ rài lơh sa dà lơgar dê.

Đơs tàm pơrjum, Thủ tướng Phạm Minh Chính sồr, nam 2024, ală kơnòl broă mùl màl jàu Tập đoàn nhơm zờu in pal geh lam lơh jat ngan ngồn tàm broă rơndap lơh bơh Tập đoàn dê kung bè tơl mpồl dê nàng lam lơh jat mờ sền sơ wì, jat sền. Jơh gùt Tập đoàn, ngan là ală kwang đơng lam bồ pơn jat tai gàr kơ̆ bơta tam klac bal, ring bal; tơnguh nùs nhơm khin sơnơng khin lơh bal mờ bơta kơp kờñ bơt bơtàu mờ bơtàu tơnguh Tập đoàn Nhơm zờu Việt Nam là mpồl tờm ngan bơh gah Nhơm zờu dê, geh bơta pràn bè priă jền mờ khoa họk kông nghệ, pơgồp bơnah bơt bơtàu dà lơgar pràn kơldang, bơtàu tơnguh, làng bol hờm ram, gơboh gơbài.