Tàm dơ̆ cri bơyai, bàr gah ring bal lơh pràn rơlao tai broă tàm pơgơl bal, tìp măt cri bơyai kấp dờng mờ ală kấp, tàm jơh ală gah Đảng, Cíñ phủ, Quốk hội, lơh broă bal ală tiah mờ tìp bal làng bol nàng tơnguh bơta pràn git gơ̆p cíñ trị, tơnguh bơta git wă bal đah bàr lơgar.

Tàm pơgơl bal bè ală bơta tàm tiah do mờ tàm ală lơgar geh sền gròi, bàr gah ring bal kờñ broă bơsong ală jơnau ờ ring bal, tam phà tàm ală lơgar mờ ală broă lơh ring lơngai, lơh jăt adăt boh lam aklă lơgar dê, tàm hơ̆ uă ngan là Hiến cương Liên hợp quốk mờ Kông ướk Liên hợp quốk bè Adăt dà lềng nam 1982.