Drim òr (16/02), tàm càr Bến Tre, Thủ tướng ồng Phạm Minh Chính đơng lam dơ̆ lơh broă mờ kwang đơng lam tờm càr Bến Tre nàng sền wơl cồng nha tơnguh bơtàu lơh sa mpồl bơtiàn nam 2022 mờ cri bơyai gùng dà, kơnòl broă lơh nam 2023; Bơsong ală kal ke, gơkòl mờ hơ mblàng jơnau dan nàng dong kờl càr Bến Tre tơnguh bơtàu mhar, kơl jăp.

Tàm dơ̆ lơh broă, Thủ tướng pin dờn là, mờ gùng dà, broă tơnguh bơtàu di pal, bal mờ broă jơh nùs, geh kơnòl bơh gùt mpồl cíñ trị, broă tus bal pràn bơh mpồl bơtiàn mpồl lơh sa kă bro bal mờ làng bol gùt càr dê, Bến Tre geh tơnguh niam  nùs nhơm tam klăc bal, bồ tơngoh kơlôi sơnơng lơh broă pràn kờl dang, “ntào” lơh tờm mờ “brồ guh” pràn kơl dang, lơh gơs dơ̆ “Ntào tam gơl pa” nàng “Bến Tre gơs càr tơnguh bơtàu pràn tàm tiah ring dà dờng Cửu Long tàm nam 2025 mờ tàm gùt lơgar tàm nam 2030”. Bè ală jơnau dan geh ai tơlik bơh càr Bến Tre dê tàm tơngu me ală jơnau đơs bơh kwang đơng lam ală ƀộ, gah lơh broă Dà lơgar, Thủ tướng ring bal mờ broă bơsong ală jơnau dan bơh càr dê, tàm bơta gàr di ală kơrnoăt bơh adăt boh lam dê, ai geh kơrnoăt ndrờm bal, hòi jà uă ngan ală bơta pràn ai broă tơnguh bơtàu càr in.